ئەمڕۆ٢٨-١٢- ٢٠١٧ مەراسیمی پەردەلادان لەسەر دیوار بەندێک بەناوی (یەکەم کابینەی حکومەتی کوردستان )واتا شێخ مەحمود و گشت وەزیرەکانی ئەم پرۆژەیە لەلایەن هۆتێل رامادا جێبەجێکراوە وە پێوانەی دیواربەندیەکە ۲ مەتر بە ۷ مەترە بە ماتریاڵی هاراوەی بەرد دارێژراوە شایه‌نی باسه ئه‌م دیوار به‌ندیه دروستكراوه له لایه‌ن په‌یكه‌رسازی كور چێنه‌رنزار
چێنه‌ر نزار له‌شاری سلێمانی له‌دایک بووه . ده‌رچووی په‌یمانگای هونه‌ره جوانه‌کانی سلێمانیه به‌شی په‌یکه‌ر سازی . ئه‌ندامی هونه‌رمه‌ندانی کوردستانه .خاوه‌نی ماڵێکی هونه‌ریه به‌ناوی (ماڵی هونه‌ری به‌یع باباجان) به‌پرسی گروپی شێوه‌کاری ڕێنیسانسه . به‌شداری زیاتر له ٤٨ پێشانگای هاوبه‌ش کردووه .١٣ پێشانگا سه‌رپه‌رشتی کردووه .٣ساڵ له‌سه‌ر یه‌ک ڕاسته‌خۆ کاری په‌یکه‌ری لمی به ئه‌نجام گه‌یاندووه له شه‌قامی سالم له سلێمانی ، کارکررنی ڕاسته‌وخۆ له فیستیڤاڵی نه‌ورۆز به بزمار و دواتر ئه‌م بیرۆکه‌یه‌م کرده پێشانگایه‌ک به ٤٠ که‌سایه‌تی دیاری کوردستان وه دواتر بیرۆکه‌ی لم که ئه‌وه‌ش یه‌که‌م جار بوو ئه‌و دوو ماتریاڵه بینه‌ری کوردی له‌کاری هونه‌ریپۆرتریدا بیبینن . کارکردن به بارووت بۆ هه‌مان پرۆژه‌ی که‌سایه‌تیه‌کان به‌داخه‌وه هاوکاری نه‌کراین ـ خاوه‌نی چه‌ندین په‌یکه‌ری دانراوه‌ی که‌سایه‌تیه‌کانه له‌وانه
١- په‌یکه‌ری هونه‌رمه‌ند ته‌ها خه‌لیل ساڵی٢٠١١ سلێمانی، ٢-په‌یکه ری هونه‌رمه‌ند کاروان عوسمان ٢٠١٢ سلێمانی ،٣-په‌یکه‌ری هونه‌رمه‌ند ئه‌حمه‌د سالار٢٠١٣هه‌ولێر برۆنز، ٤-په‌یکه‌ری مامۆستا جه‌مال تاهیر ٢٠١٣ سلێمانی، ٥- په‌یکه‌ری شاعیر نالی ٢٠١٤ ، ٦-په‌یکه‌ری ئه‌حمه‌د شه‌ماڵ ٢٠١٤. ٧-په‌یکه‌ری مه‌حوی شاعیر ٢٠١٥ ، ٨-په‌یکه‌رێک بۆ قاله مه‌ڕه .٩- ڕیلیفێک بۆ موجته‌بای میرزاده . ١٠- په‌یکه‌رێک بۆ ئه‌نفال ٢٠١٢
Source:Site Kurdistan ART
No comments:
Post a Comment